Aarau, me 16 janar 2016

Kryesia e Rrjetit të Bizneseve Shqiptare në Zvicër në qytetin e Aaraut ka mbajtur mbledhjen e parë në vitin 2016. Është biseduar për pikat dhe për programën për vitin 2016, ku janë të parapara të realizohen aktivitete të shumta, të rëndësishme. Është analizuar edhe pjesëmarrja e kompanive nga Republika e Kosovës në Panairin Swissbau në Bazel, ku u vlerësua si i dobishëm prezantimi i prodhimeve të drurit të Kosovës në një nga panairet më të mëdha në Evropë.

Gjithashtu janë parë ecuritë dhe përgatitjet rreth organizimit të Manifestimit të përbashkët të RRBSHZ-së dhe Ambasadës së Kosovës në Zvicër, për shënimin e përvjetorit të Pavarësisë së Republikës së Kosovës.

Sekretari i Përgjithshëm z. Skender Thaqi i informoi anëtarët e kryesisë rreth përgatitjes së mbajtjes së Panairi mbarëkombëtar, si për takimin e radhës i cili do mbahet për Bizneset e Aaraut dhe rrethinës me 30. Janar 2016 ne Aarau. Njeherit ftohen të gjithë afaristët shqiptarë të cilët veprojnë në Aarau dhe rrethine ti bashkëngjiten këtij Karvani.